Transcription
1
Reçue à Montélimar, le 30 septembre 1573.
2
Monsieur de Gordes, jay sceu par voz lettres du XXVIe aoust et IIIIe du present la resolution que vous
3
aviez prinse daller combatre ceulx de la religion de Daulphiné, de laquelle neantmoins vous
4
avez esté desmeu au moien de la tresve que mon cousin le mareschal Dampville leur a
5
accordée pour tout ce mois, ensemble la responce que vous avez faicte à leur requête,
6
sur toutes lesquelles choses le roy monsieur mon filz vous faict particulierement
7
entendre le contentement qui luy demeure de voz actions et lesperance en laquelle
8
nous sommes de mectre fin aux troubles de delà ; qui me gardera de men estendre
9
icy davantaige que pour prier le Createur, monsieur de Gordes, vous avoir
10
en sa saincte garde. Escript à Paris, le XXIIe jours de septembre 1573
11
Caterine
12
Fisses